MARLOMUSIC
MARLO
Singer · Songwriter · BÄrn
Bärner Schnurä. Spanisches Bluet.
Mundart · Latin · Houptsach authentisch
Biografie
Zwöi Härz. Ei Stimm.
MARLO — gebore z Bärn, ufgwachse z Bümpiz-Chleefeld us jüngschts Ching vo spanische Iwanderer. Ds Einzige vo dr Familie Lopez, wo i dr Schwiz uf d Wäut isch cho.
Us Teenager het er mit Rap und HipHop i füüf Sprache di erschte Bärner Bühnine gstürmt — im Gaskessu, im Wasserwärk, im Le Truc. Plötzlech het
d Liebi zum Fuesbau Überhang gno nä bis i di spanischi Profiliiga gfüehrt.
D Musig isch zum stiuä Begleiter worde — aber nie verschwunde.
«Musig isch d Sprach, woni mi am ehrlächschtä cha uusdrücke.»
2020 het ä persönlächi Krise mitz i dr Pandemie dr «Fenix Lopez» zum Läbä erweckt. Es si Releases cho wi «Soy Diferente», Uftrittä im Wankdorf Stadion a dr Meischterfiir vo YB und am gröschtä Diversity Ball vo Europa im Wiener Rathuus.
2023 het MARLO agfange mit Mundart z experimentiere — und aues het sich veränderet. Dr Song «Spiegubiud» — es Säubschtgspräch über zwöi Dahei und dr Fluech vo dr Zerrisseheit — isch dr Afang vo öppis Neuem.
Vo Bärndütsch bis Spanisch. Kei Schublade. Kei Kompromiss. MARLO.